புத்தாண்டு ... அட இன்னும் ஒரு நாளே (ஜி. நாகராஜனுக்கு நன்றி)

எவருக்கும் எஸ்.எம்.எஸ் (குறுஞ் செய்தி சரியா என்று தெரிய வில்லை) அனுப்ப முடியாத, கிட்ட தட்ட எல்லா மொபைல் சேவைகளும் தொடர்பு கொள்ள இயலாத நல்லதொரு புத்தாண்டு விடிந்தது.. வழக்கம் போல் தொல்லை காட்சிகள் மன்னிக்கவும் தொலைக்காட்சிகள் சினிமாவும் சினிமா சார்ந்த அபத்தங்களையும் ஒளி பரப்பின. எனக்கு இந்த படத்திலே ஒரு பப்லி கேரக்டர் என்று கதாநாயகிகள் மறக்காமல் குறிப்பிட்ட பேட்டிகளும்,

டோல் டோல் தான் அடிக்கிறான் போன்ற நாட்டுக்கு அவசியமான பாடல்கள் முதல் 5 இடங்களுக்குள் வழக்கம் போல் வந்த கவுண்ட் டவுன்களும், போடு போடு என்று கதாநாயகியே விரும்பி அழைத்து கற்பிழந்த பருத்தி வீரன் களும், 700 ரூபாய் கொடுத்து ரசிகர்களை டிக்கட் வாங்க வைத்து கருப்பு பணத்தை ஒழிப்போம் என்று வீரமாய் பேசிய சிவாஜிகளும் முதல் 5 இடங்களை பிடித்த சிறந்த பத்து படங்களின் பட்டியலும் வெறுப்பேற்றின

தமிழ் தாயை எல்லாரும் ஒரு நாள் முழுக்க மூச்சு திணற திணற ஆண்டே நூற்றாண்டே என்று நிறைய பேர் கவி பாடி இருப்பார்கள். தமிழ் அன்னைக்கு ஓய்வு கொடுக்கும் பொருட்டு கவிதை எழுதுவதை கண்டிப்பாய் தவிர்த்து விட்டேன்.

உறுதி மொழியா அப்படின்னா? (அடியேன் பின் பற்றுவதே இல்லை.....!)

அப்புறம் ... எல்லாருக்கும் (ஆங்கில) புத்தாண்டு வாழ்த்துக்கள்...